La Ginebrosa/ La Chinebrosa ye un lugar d'a probinzia de Teruel afincau n'a redolada aragonesa d'o Baxo Aragón. L'orixen d'o nome biene d'o gran lumer de chinepros ("ginebre" en catalán) que crexeban à redolé por os mons d'a suya albala.
Os suyos orixens istoricos naxen con a suya reconqueridada, en 1169, por Alifoso II Lo Casto. Dimpuesas pasa à pender d'a orden de Calatraba dica que os Calatrabos subinfeudón o puesto à os siñors d'Aragón. A primera carta puebla estié otreyada en 1201. Sin dembargo, o dreito à rexir-se por sí mesmos no estié efeutibo dica que as Cortes de Cádiz decretón en 1812 a supresión d'os siñoríos.
En a guerra d'a independenzia os suyos abitans tenioron que beyer-las-se con o exézito francés comandau por os mariscals Suchet y Vatthiler. Tamien, chugó como toz os lugars mugans, un importante papel en as guerras carlistas durante a segunda metá d'o sieglo XIX y más rezienmen, en as añadas cuaranta, tamien estié eszenario de bels trucos de man d'os "maquis" zaga la esferra d'a guerra zebil española.
|
O nuestro lugar bi ye afincau sobre a ripa oriental d'un cerro, en las estriberas d'o mon. En Ginebrosa, d'ista traza, i trobaremos que as carreras son muito espingadas. En o conchunto urbán remane un entarabidau antigo, en as suyas carreras y callizos estreitos i podemos alufrar arcos que mos remeran a suya puenda meyabal. |
|
Continando con o suyo conchunto urbán acucuta la ilesia parroquial de San Bartolomé, obra de primirenca estrutura Gótica, remozada en a puenda barroca. Ye una obra feita en piedra de sillería con nau unica cubillada de cruzería y torre de serna con dos cuerpos. |
|
|
Entre as muitas balguas arquiteutonicas tamien sobrexe A Lonxa, afincada en a plaza Mayor y cuala construzión data de l'añada 1228. En iste puesto yera an á sobén se zelebraban toda mena de trucas y transauzions. |
A o costau, i trobamos lo que güei ye A Casa d'o Lugar, residenzia d'a orden d'os Templarios y combento an se feba a bosadura d'os diezmos y primizias. Toz istos edifizios i son emparaus por arcos de bien definiu estilo romático y un'atros oxibals trespunteaus. |
Tornar enta la paxina prenzipal |
 |
